Presentación do PROGRAMA NEURO-FÍSICO-EMOCIONAL DO GRUPO MERIDIANOS Y PARALELOS. COACHING EDUCATIVO
"Meridianos y paralelos" é unha empresa de coaching educativo para mellorar o rendemento escolar, a educación emocional e os hábitos de saúde. Con este programa apostan polo desenvolvemento integral da persoa, a súa saúde e o seu talento.
"Meridianos y paralelos" complementa o labor de docentes e pais, con técnicas pioneiras de coaching e PNL e faino no ámbito escolar e na casa do alumno.
A súa base de traballo é humanista, de respecto aos propios valores de cada familia e centro, traballan o talento individual e o sentido de contribución.
Na presentación do Programa Neuro-Físico-Emocional intervirán: Josefa Martín Santiago, mariscadora de contos; Rocío Gómez Sanabria, coach de familia; María Becerril, coach de saúde e hábitos de alimentación; Christian Lestrade, coach de adolescentes, especialista en rendemento escolar; e Marisol Gómez Tricás, coach e psicóloga, experta en desenvolvemento integral da muller.
